monumenta.ch > Ioannes Saresberiensis > sectio 33 > sectio 4 > sectio 10 > 4 > sectio 24 > sectio 22 > sectio 16 > sectio 1 > 5 > Actus, 9 > 10 > sectio 84 > sectio 31 > sectio 91 > sectio 72 > 4 > sectio 18 > uwbM.p.th.f.68.191 > sectio 29 > sectio 8 > sectio 28 > bsbClm6224.178 > 178 > sectio 58 > sectio 82 > sectio 62

Word Selection for Searching

Report an Error in this Sectio
Hieronymus, Commentarii, in Danielem, 11, 62
Et cor eius adversum Testamentum sanctum, et faciet, et revertetur in terram suam. Statuto tempore revertetur, et venient ad Austrum: et non erit priori simile novissimum. Et veniet super eum trieres, et Romani, et percutietur. Sive ut alius interpretatus est: et comminabuntur ei. Et Graeca, et Romana narrat historia, postquam reversus est Antiochus expulsus ab Aegyptiis, venisse eum in Iudaeam, hoc est, adversus Testamentum sanctum, et spoliasse templum, et auri tulisse quamplurimum, positoque in arce praesidio Macedonum, reversum in terram suam.